فروج مشوي على الغاز : 700 ألف = 7$ ، يعني 11 ألف لمّا كان الدولار 1500
كيلو اللحمة : مليون = 10$ يعني 15 ألف لما كان الدولار 1500
بالعربي ما تغيّر شي ، نسبيّة الأسعار ما تغيّرت، وحدو الموظف و الاستاذ هنّ للي تبهدلوا، و قيمة معاشو صارت كأنها 150 الف على 1500
المضحك انو وزارة السياحة كانت عم تقول انو ارتفاع قيمة الدولار رح تخللي السّائح للي بيصرف بالدولار يشتري نص البلد متل باقي البلاد التعبانة على أدّ ما حيكون فيه رخص قدّام قيمة الدولار العالية بالبلد..
بس لأ يا حبيبي، انت بـلبنان.. الغلاء عنّا ما بيتغيّر و التاجر ما بيشبع
السيناريو المظلم انو نروح على مزيد من الغلاء متل سوريا، مع انو بلبنان مفي حرب و ملايين الدولارات بتفوت عالبلد من المهاجرين.. بس هيدا لبنان و هول حكّامو !
خبر عاجل ليبانون 